Shillong: Ka Sorkar Jylla ha ka sngi Ba-ar ka la pynbna ba ka jingthep vote ban jied thymmai ia ki MDC sha ka Ïingdorbar Thaw Aiñ jong ka Khasi Hills Autonomous District Council (KHADC) bad Jaintia Hills Autonomous District Council (JHADC) kan long ha ka 21 tarik Rymphang, 2025.
Haba kren sha ki lad pathai khubor, u Symbud Myntri Rangbah ba khmih ia ka District Council Affairs (DCA), Bah Prestone Tynsong u la pyntip ba u Lat ka Jylla u la mynjur ia ka jingai jingmut jong ka kynhun Myntri kaba la pynshong nongrim na ka jingtyrwa jong ka Tnad DCA ban pynlong noh ia ka ilekshon sha ki artylli ki District Council.
U la ïathuh ba ka sngi ban thep vote kan long ha ka 21 tarik Rymphang bad ia ka result yn sa pynbna ha ka 24 tarik ujuh u bnai.
21 tarik Rymphang ka ilekshon MDC, 24 tarik Rymphang yn ñiew vote
