Shillong: Ka Hynniewtrep Youths’ Council (HYC) West Khasi Hills District ha ka 17.12.2024 ha ka jingialam u President Samla Lumlang Kharsyiemlieh kala kynduh ia u DC ka West Khasi Hills District, u Sahep Garod LSN Dykes halor ia ka DSC bad ban ai jingai jingmut halor ka DSC hapoh West Khasi Hills District.
Ka seng ka la Ioh bun ki jingujor naki samla wadkam ia ki katto katne ki mat halor ka Eksamin DSC ia ka post Fishery Demonstrator kaba la dep pynlong Eksamin ha ka 2-12-2024.
Ki Samla wadkam ki ong kim sngewhun ia kane ka jingleh jong ka DSC, West Khasi Hills namar ka jingphah thoh Eksamin da ka descriptive type question ia ka sobjek da ka ktien Khasi kaba 50marks (ia ka jingkylli khlem ioh ban rah sha ïing) bad la phah thoh ha ka answer sheet.
Ka Jingai jingmut ka HYC, ka long ba nangne shakhmat dei ban thoh ia ka subjek da ktien Khasi da ki objective type question bad sa pyndap ha ka OMR sheet kumba leh ia kiwei ki subject kum ka General English, elementary mathematics, elementary science & aptitude bad ka General knowledge kaba long 270marks.
Ia ki Jingkylli dei ban plied hakhmat ki Candidate man ki jaka Thoh Exam khnang kin ioh ia ki jingshaniah.
Ka jingjur palat ka jingpyndonkam Mobile man ki jaka Thoh Exam, ka HYC ka kyrpad ban Khang noh iaka Internet Shipor haka por Ba Thoh exam.
Ka seng ka kyrpad ruh ia u DC ban pyllait noh ia baroh ki kam kiba lait ha ka DSC.
Ai jingmut ka HYC WKH sha u DC halor ka DSC
