Shillong: U nongialam ka Congress uba dei u MDC na Mawkhar-Pynthor u bah Pynshngain N Syiem u la ong ba ka jingiakren ha ka party Congress ka la khluit bha ba dei ban mih noh na ka jingiatreilang bad ka NPP ha KHADC.
Haba kren mynta ka sngi ka 5 tarik Nohprah 2024, u la ong ba kano kano kaba khluit ka lah ban mih eiei bad kane ka lah ban mih shen ha kine ki sngi.
Ula kubur ba ka don ka jingpynbor na ka party bad ki nongialam ba dei ban mih na ka jingiatreilang bad ka NPP namar ba lehse kim sngew tynnad ia ka polisi ka NPP hynrei ha ka jingshisha ha KHADC ka biang ka jingiatreikam.
U la ong ba u briew um dei ban saitlah watla ula saitlah ha kiba bun ki bnai bad un sa shim ia ka rai shen halor kane.
Ka Congress kaba jop 10 ngut ki MDC ha ka elekshon MDC 2019, ka sah sa tang 2 ngut mynta ha KHADC ba kynthup ia u bah Pynshngain bad u bah Ronnie V Lyngdoh.
U la ong ba ka jingmih ne ka jingneh ha kane ka por kaba la jan ka elekshon, kam shong ha ka jinglong ka por namar ban slem ne ban kloi than ruh kam long.
Bitar ki nongkyrshan Congress ba iatrei bad ka NPP ha KHADC
