Shillong: Uwei u samla uba la lait na u kynjri u drok, ula phla ba ha ka por ba u kyrni dih drok, u don beit ha Polo bad haba ki briew ki paralok ki wan wad ia u, kin lap ia u ha Polo.
Haba iasam lem ia ka jingtip jong u, une u samla ula ong ba ula dih kyiad naduh kham rit bad na ka jingsdang dih khyndiat, u sa dih sa bun bad man ka sngi hynrei hadien ba um buaid shuh ban dih kyaid ba ka la shong karbon, ula pyrshang noh ban dih da u drok da kaba khleh bad u drok.
Hadien ba la dih da u drok, u la shem ba ka dei tang ha une uba u kwah palat ha ka jingim hynrei katba nang iaid man ka sngi, ula dih kham bun bad bunsien. Hynrei hadien ula shem ba kane ka jingdih ka long kaba sniew, u la leit shabar hynrei ula dang bteng biang ban dih bad ula wan phai biang sha Shillong. Hynrei dei mynta ynda ula leit sah ha jaka pyllait na u drok, ula leit ban sah bad u sa lah ban lait ne une u akjakor la ar snem mynta.
Ia kane une u samla ula phla ha ka jingiakynduh bad ai jinghikai mynta ka sngi 2 tarik Nohprah 2024, ban lait na u drok ha Shanti Bhavan kaba la pyniaid ka Sisters of the Missionaries of Charity mynta ka sngi hapoh ka jingialam u Mission Director ka DREAM u bah Bah Francis Kharshiing.
‘Lada phi wad ia nga mynshwa, phi lap ha Polo’, phla uba la lait na u drok
