Shillong: Ki nongdie madan ha ka thain Khyndai Lad ter ter sha Umsohsun, Bimola ki khleh naduh ki Khasi, ki bym dei Khasi ruh.
Ha ka jingiakren bad ki mynta ka sngi, la iathuh ba don ki bym dei Khasi kiba wan nabar jylla, kiba shu bylla ha ki trai Khasi bad don pat ki Khasi kiba seng da ka kheng lajong ban die madan.
Kumba la iohi, ki nongdie madan ha thain Bimola, Khyndai ki khleh bha naduh ki Khasi bad ki bym dei Khasi ruh hynrei kiba bun na ki Khasi, ki dei ki kynthei kiba die madan katba ki bym dei Khasi ki dei ki shynrang.
Ha ka jingiakren bad uwei u nongdie madan, ula iathuh ba don ki Khasi kiba seng da ka kheng lajong hynrei don kiba shu bylla ha kiwei ruh. U la ong ba ym lah ban shu kynnoh ba don kiba pynshah kyrteng ne benami namar ba leh uwei ar um baroh.
Lah ban kdew ba ka sorkar jylla ka la pynkhreh ban pynkynriah noh ia ki nongdie madan na Khyndai Lad sha kawei ka jaka kiba don kumba 200 ngur eiei katkum ka rehister ka sorkar. Hynrei kane ka jingpynkhreh ka sorkar kaba la buh ban pynkynriah ha ka 24 tarik Naiwieng 2024, kam shym la urlong hadien ba ka la don ka jingpyrshah na ki nongdie madan.
Katkum ka jingkam ka President ka seng ki nongdie madan, ka kong Biolin Pyrtuh, ki nongdie madan kiba la long dkhot ki don 5 hajar ngut duna eiei.
Bun ki dkhar ba bylla die madan ha ki Khasi, don ki Khasi kiba seng da ka kheng lajong
