Shillong: President ka NEHUTA u Prof. Lakhon Kma ula ong ba long katba long, une u VC ba mynta um dei ban dang don shuh ha NEHU. Ula pynpaw ba ki shaniah ha kane ka kynhun tohkit ba kan ai ia ka rai kaba biang ban pynhun ia ki nonghikai bad ia ki samla pule namar ba ki la dei kiba la tip bha shaphang ki skulbah.
U Prof. Lakhon ula ong ba la pynsngew ia baroh ia ki kam bym ler bad pyniaid donbor u VC kumba kila iakhih ha kine ki bnai ba la dep.
U la ong ba ki nonghikai kim pdiang shuh ba un dang wan ha NEHU namar ba um long uba bit ban dang shong ha ka skulbah.
Lah ban kdew ba ka sorkar pdeng lyngba ka tnad pule puthi ka la thung ia ka jingtohkit hapoh ka jingialam u DP Singh bad u Dilip Chandranath ban tohkit halor ka kynrum kynram ha NEHU bad ban aiti ia ka kaiphod hapoh 15 sngi.
U Prof. Lakhon ula ong ba ka jingleh huri hura u VC, ka long ha ka kam pisa pilain ruh. Ia ka hoste la ioh pisa khlem tip jaka ban shna, u thied komputor, kiwei ki jingdonkam khlem khot tender nalor kiwei ki kam bym lah shuh ban niew.
Da mih kano kano ka report ruh kampher tangba ia u Prof. Prabha um dei ban dang shong ha NEHU
