Shillong: Ka Meghalaya ka la rung sha ka rynsan iakhun kaba kham kongsan jong ka lympung Santosh Trophy hadien ba ka la lah ban pyniakhaid 1-1 pyrshah ia ka Assam ha ka jingiakhun mynta ka sngi jong ka Senior Men’s National Football Championship ka Santosh Trophy 2024-25 kaba long ha Nalbari, Assam.
Da ka jingiakhaid kawei, bad jop ia ka Nagaland bad Arunachal Pradesh, ka Meghalaya ka don ha kliar ka Group E jong ka rynsan sdang ne preliminary round bad ka kamai 7 point.
Tang kawei ka kynhun lahduh na kawei pa kawei ka group kan ioh rung sha ka rynsan ba kongsan.
Ia ka Meghalaya la ialam u coach u bah Hering Shangpliang. U Damanbhalang Chyne ula thep ia ka Meghalaya ha ka 56 mini hadien ba ka Assam ka pynphai da u Dipu Mirdha ha ka 88.
Ki rang ialehkai ka Meghalaya: Siwel Rymbai (GK), Overkindness L Mawnai, Arlangky Nongsiej, Donborlang Nongkynrih (sub Banraplang Pyngrope 45’+4), Wanboklang Lyngkhoi, Aibiangmame Nongneng (sub Fairming Suting 77′), Robertson Khongriah, Fullmoon Mukhim, Damanbhalang Chyne, Baiaikara Swer, Donlad Diengdoh (sub Aenam Jyrwa 90′).
Da kane ka jingjop, ka Meghalaya kan iakhun ia ka Tamil Nadu, 15 tarik Nohprah, ia ka Kerala, 17 tarik, ia ka Delhi, 19 tarik, ia ka Goa, 22 tarik bad ia ka Odisha, 24 tarik Nohprah ban wan.
Rung ka Meghalaya sha ka kyrdan iakhun ba kham kongsan ka Santosh
