Shillong: U myntri sorkar jylla u bah Paul Lyngdoh uba dei u nongialam ka UDP, ula ong ba ki paidbah ka Gambegre ki stad ban jied ia ka kyrtong kaba don ha ka liangsynshar ka MDA-2.
Haba kren mynta ka sngi, u bah Paul ula ong ba dang ha u bnai Jymmang ki paidbah kila pynjop ia u kyrtong ka Congress ha ka MP elekshon hynrei ha kane ka elekshon shiteng samoi kila jied ia ka party ha ka liangsynshar bad kane ka pyni ba ka politik ka long kaba wanrah ia ka jingkylla katkum ka bor u paidbah.
Ka pyni ruh ba ki nongjied ka Gambegre kila pyni ia ka jingstad da kaba jied ia ka kyrtong kaba la bit ka jingnang jingstad.
Lah ban kdew ba ka kyrtong ka NPP ka Mehtab Chandee Sangma ka la knieh ia ka Gambegre konstitwensi na ka Congress ha ka jingpynbna mynta ka sngi. Ka Congress kaba bat ia katei ka konstitwensi mynta ka la poi sha ka kyrdan balai bad ka TMC ka wan baar.
Stad ki paidbah ka Gambegre ban jied ia ka kyrtong kaba stad, ong bah Paul
