Shillong: U MLA ka Pynthorumkhrah u bah AL Hek ula pynpaw ia ka jingsngew kmen ia ka jingjop u Steve Jyrwa ia ka nam lahduh ka India’s Best Dancer Season- IV uba dei na shnong Nongmensong kaba hap ha konstitwensi jongu.
Mynta ka sngi, ki paidbah kila pyllong ia ka jingpdiang burom ia u Steve Jyrwa hadien ba ula wan phai na Mumbai ban ioh rah ia kane ka khusnam.
Haba kren sha ki lad pathai khubor, u bah Hek ula ong ba u dap da ka jingkmen bad ula sngew ba ka dei ka burom ia u, kum u MLA, ia ka konstitwensi, kumjuh ia ka shnong Nongmensong, ia kiba haiing hasem, ka jylla na bynta kane ka burom kaba la wanrah u Steve.
Watla ka jingpynkhreh ban pdiang burom ia u la buh ban pyllong ha ka por 2baje janmiet hynrei haduh ban da dum ruh khlem pat lah pyllong namar ba la bun palat kiba la pdiang burom ia u Steve ha lynter ter ter.
U Steve un leit kynduh ruh ia u Lat ka jylla ha Raj Bhavan.
Ka burom ia nga, ia ka shnong, ia ka jylla bad ka iing ka sem: Hek
