Shillong: U nongaiktien ka VPP u bah Batskhem Myrboh ula ong ba ka jingai tiket ia ki kyrtong MDC ka shong ha ka jingstad ka party. Haba kren mynta ka sngi u la ong ba ha ka por ba rai ticket ia u kyrtong na Sohryngkham ruh u MLA ka Mawryngkneng u bah Heavingstone Kharpran um shym la wan hynrei u khlem ujor eiei.
Kane ka jingong, u bah Batskhem ka long hadien ba ka la mih ka jingujor ha Mawkhar-Pynthor bad Jaiaw-Mawprem ha kaba u MLA ka North Shillong, u bah Adelbert Nongrum u la ujor namar ba la ai tiket ia ki briew khlem iasyllok bad u kum u MLA.
Na Jaiaw-Mawprem, ka VPP ka la ai tiket ia u bah Denzil u pyrsa jong u Dr. Cara Chen, uba dei u General secretary ka VPP katba na Mawkhar-Pynthor ka ai ia u bah Strong Pillar Kharjana.
Halor ka jingkylli kaei ba ka party kan shim kam ia u bah Adelbert ba ula kren pyrshah ia ka party, u bah Batskhem ula ong ba ia mynta kin pylleit jingmut shwa ia ka elekshon MDC bad kin sa peit hadien.
Ula ong ba lada ai lad ban shim ia ki kyrteng kumba la tyrwa ki MLA, lashai lada jied kyrtong MLA mano ban tyrwa pat, kumjuh ki MDC ruh kin ong kumta. U la ong ba ka jingpynmih khubor u bah Adelbert ka long kaba sngewsih ban kynthoh ia ka party namar ba u la pyllait Shabar.