Shillong: U nongialam ka NPP u bah Hamletson Dohling ula pynrem jur ia ka jingkren u MP ka Tura u Saleng A Sangma, uba la kynnoh ba ka NPP ka thied ia ki MLA ka Congress da ka pisa drok.
Haba kren sha ki lad pathai khubor, u bah Hamletson ula ong ba ka jingwan rung ki 3 ngut ki MLA ka Congress ha ka NPP, ka dei hadien ba kila iohi ka jinglong nongialam kaba bit kaba biang nalor ka jingtuid ki kam pynroi.
“Ngi kwah ban kren shai hangne ba ka NPP ka dei kaba la pyrshang tyngeh ban thom ban pynduh jait ia u drok ha ka jylla bad ka jingkynnoh u Saleng ka dei tang ka jingkren laplah”, la ong u bah Hamlet.
U la ong ba ban rat dyngkhieng ia ka jingsniew jong u drok, ka dei donkam ban iatreilang, ym ban iakynnoh ban iakdew kti iano iano.
Ther jur ka NPP ba kren laplap u Saleng ba thied MLA nap isa drok
