Shillong: Ka sorkar jylla ka la rai ban pynkhlain ia ka jingiakhun pyrshah ia u drok da kaba pynkhlain ban bat bad talasi ia ki kali na ki ar tylli ki jaka, kawei na Ri-bhoi bad kawei na East Jaintia Hills. Ka la rai ruh ban thied sew sma sa 4 tylli ban leit sma ia ki drok.
Haba kren sha ki lad pathai khubor mynta ka sngi, u myntri ka tnad Social Welfare uba dei u nongaiktien ka sorkar, u bah Paul Lyngdoh ula ong ba nalor ka jingtalasi ia ki kali. Ka sorkar ka la pynbiang ia ki tiar ki tar kiban sa wan poi ha kine 5-6 bnai ban talasi ban iathuh ia ki kali kiba kit drok ha kitei ki ar jaka ba la buh.
“Ngi la rai ban buh ia ki khyrdop talasi kawei ha Ri-Bhoi bad kawei ha East Jaintia Hills, ha kaba baroh ki kali kim lah ban iaid lait khlem da shah talasi shwa”, la ong u bah Paul.
Ula bynrap, “Ka la ai bor ha ka tnad pulit ban thied ksew sma shuh na kiba la don lypa 4 tylli, ban leit sma ia ki drok”,.
U la ong ba yn wanrah ruh ban pynkhlain ia ka Village Defence Party (VDP) da kaba pynkylla ia ka Meghalaya Police Act 2010.
Shuh shuh, yn pynkhlain ia ka tnad kem drok ka Anti Narcotic Task Force (ANTF) ha kaba aiti ha ka tnad pulit ban pynkhreh ia ki jingdonkam shwa ban wanrah ha ka cabinet.
Shuh ka la rai ban pynkhlain ia ka Fast Track Court kaban shong bishar man ka sngi halor kane ka bynta.
Yn thied sew sma shuh ka sorkar bad ki kali ban iathuh ia kiba kit drok
