Shillong: U MP ka Congress na Tura u Saleng A Sangma u la ther tyngeh ia ka sorkar MDA-2 kaba ialam ka NPP ha kane ka jylla, ka la leh klet ia ki jingeh jong ki paidbah.
Haba kren mynta ka sngi, u Saleng u la ong ba ka jylla ka la nang hiar arsut bad ki jingsniew kila nang kynrei bha ha kine ki sngi. U la ong ba palat 3 lak ki samla ki la ngop ha u drok ha ka jylla, kaba long kumba 10 percent na ka jingdon ki nongshong shnong kaba don 30 lak eiei ki nongshong shnong hynrei ka NPP ka dang thied ia ki MLA.
Ula buh jingkylli balei ka sorkar kam lah ban kem ia ki runar kiba donkti ha ka kam khañi drok, kiba wanrah drok sha Meghalaya.
U Saleng ula ong ba ka jinghiar kiba pep skul shiteng por, ka jinghiar ka pule puthi, ka jinghiar ka ioh ka kot bad ka jingjur ki kam sniew, jingkyrduh kam kyrduh jam ki samla, ka dei ka sakhi ba kane ka sorkar ka la synshar ha kane ka jylla.
Hynrei ula ong ba ka NPP ka lah ban thied ia ki MLA ha kane ka jylla hynrei kim lah ban thied shabar.
3 lak ki samla kiba la ngop ha u drok, ka NPP dang ka thied MLA: Saleng
