Shillong: Ki paidbah na ki 21 shnong kiba hap na ka thain Mawshynrut ka West Khasi Hills kila leit tur sha KHADC mynta ka sngi ka 13 tarik Naiwieng 2024, ban pyrshah jur ia ka jingpynhap ia kine ki shnong sha ka Rambrai-Jyrngam konstitwensi ha ka MDC elekshon.
Kine ki shnong ki ju don sha Mawshynrut konstitwensi hynrei dang shen ha ka jingpynbeit shnong thymmai ka KHADC, kila shah pynhap noh sha Rambrai-Jyrngam konstitwensi.
Ki pyllong ia ka jingiaid kjat na jingkieng Umsyrpi ryngkat ki plakad sha KHADC ban dawa ba kan pynbeit ia kane ka jingleh jongka.
Kine ki 21 shnong ki hap ha ki lai tylli ki jaka thep vote ba kynthup ia ka Misei, Langdongdai bad Mawsmai.
Kila byrngem ban shong kyr-aiñ syndon ha phyllaw ka KHADC lada kam sngap ia kane ka jingdawa jongki ban pynneh ia kine ki 21 shnong ha Mawshynrut.
Na jingkieng Umshyrpi, iaid kjat ki 21 shnong sha KHADC ban pyrshah ba hap sha Rambrai
