Shillong: Ka East Khasi Hills ka la khur ia ka nam lahduh baroh napdeng kiwei ki district ha ka lympung ialehkai ka lympung 30th State Karate Championship 2024 kaba la kut ha kane ka sngi Saitjain.
Ka Eastern West Khasi Hills ka wan baar ha ka liang ki shynrang katba ka Ri-Bhoi ka wan baar ha ka liang ki kynthei.
Ia kane ka lympung kaba lai sngi, la pyllong ka All Meghalaya Karate-Do Association ryngkat ka jingiatreilang bad ka Directorate ka Sports and Youth Affairs bad la pyllong ha JN Indoor Stadium, Polo.
Ha kane ka lympung la wan iashim bynta 456 ngut ki rang bad ki thei karate naduh kiba 6 snem haduh kiba la rangbah. Ka dei ruh shi bynta ban pynkhreh ia ka lympung Meghalaya Games kaban sa long shen.
Ki longsan kiba don lang ban sakhi ha kane ka sngi ki long u MP u Dr. Ricky AJ Syngkon, u Working President ka Meghalaya State Olympic Association u bah John F Kharshiing bad kiwei.
Results 30th State Karate Championship 2024
Rah ka East Khasi ia ka nam lahduh, bud ka Eastern bad Ri Bhoi ha ka lympung Karate
