Shillong: Ki nongshong iew kila wan ban shim bynta ha ka jingialang paidbah ka seng Hynniewtrep Youth Council (HYC) pyrshah ia u drok mynta ka sngi 7 tarik Naiwieng, 2024 ha Motphran ban ieh shwa shipor ia ki dukan jongki, namar ba kim shngain shuh ban leit iew mynstep bad ban shong kham slem ha iew na ka jingjyllei palat ki nongdie drok.
Haba kren halor u drok, ki nongshong iew kila iathuh ba ki la syier bha ban shong dukan kham miet bad ban wan dukan kham mynstep namar ba la jur ki nongdih drok. Kila ong ba ki nongdih drok tang shu iohi ia ki briew, ka long kumba ki iohi ia ka sim ki wan tuh wan kloh pla.
Kila iathuh ba mynshwa la don ruh ki nongdih drok kiba ju wan sam mit mit ba la khleh drok hynrei kim treh namar ba kila ioh jingtip ia kane ka buit jongki.
La iathuh ba ka jingjyllei u drok ka long kaba jubor bha haduh ba wat kiba la kham iaw rta ruh ki dang dih bad ka jingjur ki nongdih drok ka la buh jingma haduh ba kila leh ia ki kam runar ba lai phew jait, ki kam tuh kam thiem bad kiwei.
Ki nongdih drok tang shu iohi ia u briew, ka long kumba iohi ia ka sim
