Shillong: U Justice (Retd) B P Katakey uba thung ka High Court, Meghalaya ula ong ba ki don haduh kumba 22 hajar tylli ki krem dewiong kiba la tih tang ha East Jaintia Hills bad ka dei ka district kaba bun tam ka jingtih bad pynmih dewiong ha Meghalaya.
Haba kren mynta sha ki lad pathai khubor, u Justice Katakey ula ong ba lada khein baroh ki krem dewiong baroh ha la jylla kin don kumba 30 tylli eiei.
Ula ong ba baroh kine ki krem dewiong ki dei ban khang lut baroh katkum ka hukum ka Supreme Court bad dang shen, ula ong ba ula ioh jingtip ba ka la don ka jingtih dewiong beain ha South West Khasi Hills bad ula bthah ban tohkit ha kaba la lap ba ka don shisha kum kata bad ka High Court ka la bthah ia ka sorkar Meghalaya ban leh mardor ban khang ia kane. Ula ong ba ka jingtih dewiong thliew khnai la khang ka Supreme Court watla, lah ban tih dewiong tangba da ka juk stad saian, ym shuh da ka juk hyndai.
Ula ong ba kine ki krem dewiong ki dei ka jingma ia ki briew bad ki dei ruh ki thymmei ba la wanrah ka jingjaboh ia ka um ka wah bad ka mariang.
22 hajar tylli ki par dewiong tang East Jaintia, la phah klang dam baroh
