Shillong: Ka Khasi Hills Autonomous District Council ryngkat u CEM, Bah Pyniaid Sing Syiem, ki Executive Member, ki nongtrei bad ki MDC ki phah ia ka kitbok kitrwiang ryngkat ka kyrkhu kyrdoh sha u samla Steve Jyrwa ha ka jingiakhun jong u ha ka final jong ka India’s Best Dancers Season 4 kaban long ha Mumbai.
Ha ka kyrwoh ba la phah da u CEM, la ai mynsiem shuh shuh ia une u samla uba dang 17 snem ka rta uba la sei ia ka sap shad jong u ha kane ka rynsan kaba heh.
U CEM u la ong ba lyngba u Steve Jyrwa, ym tang ka ri India hynrei baroh kawei ka pyrthei kan ithuh ia une u samla bad kin ithuh ruh wat ia ka kolshor u khasi.
Kumta na ka liang u CEM, u la phah ia ka kyrkhu kyrdoh ryngkat ka duwai ka phirat sha une u samla.