Shillong: Ka sorkar jylla mynta ka sngi ka la mynjur ban thaw ia ka Meghalaya Rural Development Services Recruitment Board (MRDSRB) ban iarap ia ka tnad Community and Rural Development (C&RD) ban pyniaid bad thungkam ia ki Junior Rural Development Officer (JRDO) ha ki Block.
Haba pyntip halor kane, u nongaiktien ka sorkar, u bah Paul Lyngdoh uba dei ruh u myntri sorkar, ula ong ba kan don ka Expert Committee kaban thung ia ki stad ban pyniaid ia ka jingthungkam na bynta ki JRDO ha ki 59 tylli ki kam.
Ula ong ba lyngba kane ka Board, ym donkam shuh ban phah sha ka Meghalaya Public Service Commission (MPSC) ban pyniaid ia ka jingthungkam namar ba kan shim por bad slem hynrei yn pyniaid beit da kane ka Board.
Thaw ka sorkar da ka MRDSRB ban thungkam ia ki JRDO
