Shillong: U MLA ka NPP uba dei ruh u myntri sorkar jylla, u Rakkam A Sangma ula kam ba ka kyrtong jong ka party NPP, kaba dei ka lok u Myntri Rangbah u Conrad K Sangma, ka Mehtab Chandee Sangma kan jop donburom sbum pyrshah ia kiba ialeh pyrshah ha ka elekshon shiteng samoi na Gambegre.
Ka elekshon sha ka elekshon shiteng samoi ha Gambegre, kan long ha ka 13 tarik Naiwieng 2024, ha kaba kiba iakhun ki kynthup na ka Congress, BJP, TMC bad ki kyrtong shimet.
Haba kren mynta ka sngi, u Rakkam u la ong ba ka Mehtab kaba dei ka kyrtong ka NPP, kan jop kput ha ka elekshon kumba la sakhi ia ka jingkyrshan radbah ki paidbah kiba dang kiew man ka sngi ban wan ai jingkyrshan ia ka NPP.
Ula kam ruh ba ha ka elekshon MLA ha 2023, ki paidbah ka Gambegre ki jied ia u Saleng A Sangma namar ba kim pat tip mano ban thaw sorkar hynrei mynta kila tip ba u don ha ka liangpyrshah bad ki paidbah ki kwah ia ka party kaba don ha ka liangsynshar bad kata ka dei ka NPP kaba ialam ia ka sorkar.