Shillong: Ka Sorkar Jylla ka la pynkiew ia ka Dearness Allowance / Dearness Relief na ka 43 % ba mynta sha ka 46% ia ki nongtrei sorkar. Kane kan treikam naduh ka 1 tarik Naitung 2024.
Kane ka jingpynkiew ia ka DA kan ai jingmyntoi ia palat 90,000 ngut ki Nongtrei Sorkar bad ki Nongtrei ba iohbai bam tynmen ha ka Jylla.
Ka Office Memorandum kaba la pynmih u Commissioner & Secretary, Finance u Dr. Vijay Kumar ha ka sngi Nyngkong, kala ong ba u Lat ka Jylla u snegwbha ban pynmih ia ka Dearness Allowance/Dearness Relief ban siew sha baroh ki Nongtrei Sorkar/kiba ioh bai bam tynmen bad ki Nongioh bynta ia ka bai bam, yn hap ban kyntiew n aka 43% ba mynta sha ka 46% ka ban treikam naduh ka 1 tarik Naitung 2024.
Ka Office Memorandum ka ong ba kine ki hukum kin treikam ruh sha baroh ki nongtrei lait noh ki Bungalow Peon, kiba bat ia ka kam ha ka jingsiew kumba ioh kiwei pat ki nongtrei ha kajuh ka kyrdan hapoh ka regular establishment/service/post.
Shwa ka aiom Khrismas, pynkiew ka sorkar ia ka DA ki nongtrei sorkar sha ka 46 percent
