Shillong: Ka Dr Mehtab Chandee A Sangma, kala thep kyrteng hynne ka sngi Palei kum ka kyrtong ban aireng ha ka elekshon shiteng samoi ka Gambegre constituency, ha kaba kan khreh ba kan iakhun na ka National People’s Party (NPP).
Ha kane ka jingleit ban thep kyrteng ka jong ka Dr Mehtab la synran lang ia ka da ka kurim u Myntri Rangbah ka jylla uConrad K. Sangma.
Nalor ka Dr Mehtab,ki kyrtong kiba la thep kyrteng ban iakhun ia kane ka elekshon shiteng samoi napoh gambegre ka kynthup ia u nongialam ka BJP Garo Hills u Bernard Marak bad u Jingjang M Marak. Ka kurim u MLA barim u Zenith M Sangma ka Sadhiarani M Sangma na ka TMC ka la dep thep kyrteng dang shen.
Kane ka election shiteng samoi ka Gambegre la pynlong hadien ba u Saleng A Sangma, u la hap ban ieh noh kum u MLA jong kane ka Constityuency hadien u la jop kum u MP napoh Tura.
Kumban shu pynkynmaw ba ka Election Commission of India ka la dep- ba kan pynbna ia ka tarik naka bynta kane ka election shiteng samoi, ha kaba ka jingthep vote kan long ha ka 13 tarik u Naiwieng ba dka jingniew ia ki vote kan long ha ka 23 tarik u Naiwieng u ban wan.
Shit taiñ ka elekshon shiteng samoi ha Gambegre, thep kyrtong ka kurim u Conrad, u Zenith
