Sa u Babu Kular Khongjirem.
Ka jingthmu jong ka Sorkar MDA-II ha Meghalaya hapoh ka jingialam jong ka party NPP ban pynmih ia ka kot iarap(guide/help books) ban iarap ia ki khynnah pule kiban ialeh ia ka Exam SSLC 2025 ia kaba la tip kum ka ‘CM Impact, A Guide Book For SSLC Examination 2025 ‘ ka la kylla long pynban mynta kum ka rynsan jong ka kam sain hima sima(political issues) jong kane ka sorkar MDA-II.Ym tang katta,ka party liang pyrshah,ka VPP ka la kynther tyngeh ia kane ka rukom ialap politic barieh(hiden political agendas) jong ka party NPP.
Ki don bun bah ki mat ba ki paidbah kidei ban tip,ban shai bha bad ki dei ruh ban da peitmat syndon bha kdar ia ki buit sianti jong kane ka sorkar MDA-II hapoh ka jinglamkhmat jong ka party NPP namar la plan ia ka da kita ki riewstad,ki ‘riewshemphang ba tbit bha kiba la thung khnang ka sorkar (consultants) khnang ba ki riew paidbah kin ym tip ne sngewthuh eh hynrei kin shu ngop beit bad ngat lydui-lydui ha ka jingriam(political trap) ba stad jongki.Kane ka la dei ruh kajuh ka plan ba ki la leh ha ka sorkar pdeng(central govt.) jong ka NDA ha Delhi.Ka sorkar NDA ha Delhi ka la leh ia baroh ki scheme,ki kam pynroi bad kam lehbha ia ki paidbah ha ka kyrteng Prime Minister lut.Hangne ruh ki la sdang leh hi kumjuh da kaba ai kyrteng lut Chief Minister.Hynrei hangne pat,ka symbol jong ka party NPP ka dei ka Kot(book) bad la plan lypa ruh ba ki khynnah pule SSLC 2025 kin sa dap 18 snem ha u snem 2028, kumta, kin sa ia thep ruh ia ki vote jongki ha ka dur Kot ka NPP ha u snem 2028.Ka kot Guide Book kaba donlang ka dur u Chief Minister ha kane ka Guide Book ka lam lynti imat shata.Hynrei,ka rukom sam pat iabkine ki Guide Book sha ki nonghikai jong ki skul kim long satia kiba ryntih(not uniform and unfair)Kito ki skul kiba pynlong kum ki centre jong ka Pvt SSLC Selection Test ki ioh ia kane ka Guide Book katba kito pat ki bym dei centre Pvt Selection Test kim ioh satia,la shu phah peit hi na website jong ka MBOSE.Kane ka mut ba ka sorkar ka sam ia kine ki Guide Book tang kumba shi powa na ki skul kiba don ha ka state katba lai powa pat kim ioh Guide Book satia..Lada ka sorkar kam lah ban sam lut sha baroh ki skul,kaba kum kata ka sorkar kalong ka sorkar kaba leh shiliang khmat.
Kawei pat ka kham shyrkhei bad ima kalong,ba kane ka sorkar MDA-II ka la sdang ban mushlia(political interferences) ia ki bor pyniaid Exam jong ka MBOSE kaba long ka bor pyniaid Exam ba laitluid(autonomous body) naduh ki por mynshwa.Hynrei mynta pat,imat ka MBOSE ka la kylla long pynban tang kum ka Niangkohnguh(political agency) jong ka sorkar.Lada ka long ha kane ka rukom,kan don ka jingma kaba shyrkhei bha ia ki candidate ba ialeh SSLC/HSSLC Exam hadien ha bud.Lada shah mushlia ha ka sorkar(political interference),kan sa poi ka por ba kito ki khynnah kiba iajan ne ithuh ia ki poticians kin pass bha beit iaka Exam SSLC/HSSLC katba kito pat ki bym iadei ne iajan bad ki politician kin shu pheil ei wat lada ki lehbha habki Exam kumba long ka Exam applai(apply) kam sorkar ha kine ki por.Hynrei kaba kham ma bad kham shyrkhei shuh shuh kalong ba ioh mih sa ka pyndam sia lieh(white ink) ha ki mark jong ki khynnah SSLC/HSSLC lada ai lad ia ki politician ban korbar ne tuklar ia ka kam Exam. Lada u/ka khynnah ka ioh 08, ki bor ba halor kin phah pyndam sia lieh noh ban pynlong ia 80 mark sha ka 80 mark kumba jia ia ka kam thung nonghikai skul ha kito ki snem kiba la dep. Ki paidbah ki dei ban husiar bha ioh ka jia shisha kane ka apot ioh ba ym myntoi shuh ban ia babe hadien.
Kylla Politics pynban ka Exam Matrik ne SSLC Exam
