Shillong: Ka Shillong Sports Association (SSA) bad ka West Jaintia Hills District Sports Association (WJHDSA) kila rah ia ka cup ksiar ha ka Under 16 bad Under 14 jong ka lympung phutbol ka Meghalaya Youth League 2024 kaba la pyniaid ka Meghalaya Football Association.
Ha ka jingialehkai phainal kaba la long ha ka madan ka SSA, Polo ha ka 11 tarik Risaw 2024, ka Shillong Sports Association kala pylliem ia ka Ri Bhoi District Sports Association da 2-1 kol.
Ka West Jaintia Hills District Sports Association kala pylliem ia ka Nongstoin Sports Association da 2-0 kol.
Ka lahduh kala rah ia ka song pisa kaba 2 lak tyngka katba kaba wan baar ki ïoh mar 1 lak tyngka ha baroh ka kyrdan jingiakhun.
Ia ka khusnam la sam u myntri ka tnad ialehkai ka jylla u bah Shakliar Warjri ryngkat u President ka Meghalaya Football Association u bah Hamletson Dohling nalor ki nongkitkam ka MFA.
Ka MFA kala pyllong ia kane ka lympung shi bynta ban kyntiew shuh shuh ia ka jingialehkai kynjatbol ha kane ka jylla.
Rah ka SSA bad ka WJHDSA ia ka cup ksiar ka U14 bad U16 ka MYL 2024
