Shillong: U bah Paul Lyngdoh uba dei u myntri sorkar jylla, ula pynkut ia ka jingrakhe dap 25 snem ka Khasi Students Union (KSU) Wahkhen unit ha kane ka 10 tarik Risaw 2024. Ia ka KSU Wahkhen la thaw ha kaba u bah Paul u dang dei u President ban plie ia ka, ha u snem 1999 bad mynta ka la dap 25 snem, ula wan pat kum u kongsan u myntri sorkar.
Haba kren ha kane ka jingrakhe, u bah Paul u la ong ba ka jingpynhap ia ka jingpynkut ia ka jingrakhe 25 snem ka la kut hynrei ka lama jong ka jingiakhun kan iai kyntiew. Ula sngew ban ai burom ia ka KSU kum ka shlem kaba la sain dur ia u, ba un long kumba u long mynta.
Shwa ia kane, u President ka KSU u samla Lambokstarwell Marngar u la ong ba ha kane ka juk kaba wan ki jingkylla kiba wan lynshop ia ka jaitbynriew, bad ula pynpaw ia ka jingsarong ba ha shnong Wahkhen ka dang don ka sap tynrai bad kyntu ban ym pynjngut noh ia ka ha kiwei ki bor kiba nabar.
U maham ba ki samla ki dei ban kiar kat lah kat iai na u drok uba dei u iakjakor ban pynjot ia ki samla ka jaitbynriew.
Ha kane ka sngi, la sakhi lang da ka jingdon lang u sordar ka Raid Wahkhen, bah Jansing M Tynsong, u president ka KSU Wahkhen bah Pynkiew Khonglein, bad kiwei. La pynshong kun ia kane ka jingrakhe da ka jingdon ka jingshad ka jingphawar tynrai na ki samla ka shnong Wahkhen.
Hadien 25 snem ba la seng, pynkut u bah Paul ia ka jubili rupa ka KSU ha Wahkhen
