Shillong: Ka Nongkseh Sports Social and Cultural Club (SS&CC) ka la pyllait ia ka sopti uniform kiban phong ha ka lympung ialehkai ka lympung First Division 2024 ka Shillong Sports Association (SSA). Ia kane la pyllaiy ha ka sngi Thohdieng ha ka jingialang kaba la long kongsan u bah Myrank Thangkhiew, u Rangbah Shnong ka Nongkseh, Raid Saw Kur, ha ka jingdon lang ki dkhot ka Executive Committee (EC) ka shnong, ki nongialehkai bad ki nongpyniaid ka Club.
La pyllait ruh ia ka jingrwai jong ka Club ha kane ka sngi.
Ia ka Nongkseh SS&CC la seng ha 1969 ha kaba ka ju iashim bynta ha ki lympung ka SSA ha ki snem ba la leit hapdeng ka jinghiar bad ka jingkiew kyrdan na ka por sha ka por. Ka la kiew teng mynshwa sha ka kyrdan Super Division League ka SSA kaba khot mynta kum ka Shillong Premier League bad don ka por ba ka hiar sha ka Third Division.
Ka Club ka la nang kiew hadien ba la shimti President u bah Daniel M. Thangkhiew, bad General Secretary, bah Marbiangdor Thangkhiew. Ha kine ki ar snem, ka Club ka la kiew na ka Third sha ka Second Division bad nangta sha ka First Division.
Ha kane ka kynti, ka Nongkseh kan ialam u rangialehkai barim ka I-League u Chesterpaul Lyngdoh kum u kapten katba ia ka kam u vice-captain yn shimti u Armanki Kharkongor, uba ialehkai mynshwa na Nongthymmai SC ha Shillong Premier League.
Pyllait jingrwai bad sopti ka Nongkseh SS&CC shwa ka lympung SSA First Division
