Shillong: Ka met jong u samla Banteidor Thongni 20 snem ka rta uba la suba jur ba ula pyniap ialade ha Bangalore, la wanrah sha Shillong mynta ka 29 tarik Nailur 2024.
La iathuh ba u samla Banteidor ula shim ia ka jingim lajong ha Bengaluru ha ka 26 tarik Nailur 2024, bad ia ka met jong u, la wanrah hynne ha kapor kumba 4 shiteng eiei lyngba ka Guwahati Airport haba ki nongïalam ka Hynñiewtrep Youth Front (HNYF) Northern Regions ryngkat ka jingsynrang lang ki dkhot ka HNYF Nongthymmai Circle kila la leit shimti pynkit ia ka met na Airport Guwahati ban pynpoi sha Shillong bad la rah beit beit ha u lum jingthep Mawblei ban Pyndep noh ia ka jingdonkam bad leh Burom khaduh.
La ioh jingtip ba Ïa ka met jong une u Samla Nyngkong la leit ban shimti da ki nongïalam ka VPP ha kaba u Dr Ricky AJ Syngkon, u MP ula shimti naduh Bangalore bad la pynpoi ia ka met ha Guwahati Airport bad nangto shaduh lum Jingtep la shimti ki Nongïalam ka (HNYF).
Katkum ki Tyllong khubor ba ia jan la Ïathuh ba ïa ka met jong une u samla la lap ba la Sdien phasi ha jaka sah, ha Bangalore ha ka por 12 baje mynmiet.
Shuh shuh ka Khubor ka iathuh ba Utei u samla uba Leit trei kum u Helper ha ki jaka shet ha ka Hotel mynta la 2 snem.
La pynpoi ia ka met u samla ba trei ha hotel ha Bangalore sha Shillong, suba pyniap ialade ha Bangalore
