Shillong: Ha ka 12 tarik Nailar 2024, uwei u briew ula ujor sha Rynjah Police Station hadien ba ula shah thok bad shah pynngop ei haduh T. 19, 27, 000 ha uwei u briew uba la leh bad kam kum u Assistant Area Manager ha KFC, uba kyrteng kum u Abhishek Kumar Yadav ban thep kum ka Business Plan.
Une uba ujor ula siew ia ka pisa ha ka 14 tarik Jylliew bad ha ka 6 tarik Nailar 2024. Hynrei dei tad hadien ula lap ba u Abhishek Kumar Yadav um don jingiadei bad ka KFC bad ula sngewthuh ba ula shah thok.
Ha ka kyrwoh, u Superintendent of Police ka East Khasi Hills u bah Sylvester Nongtynger ula ong ba hadien ba la ioh ia ka jingujor, ki pulit ka East Khasi Hills District kila pyllong ia ka jingtohkit bad kila shem ba dei pynban u Ibrahim Ansari 59 snem na shnong Senha Muslim Mohaila, Lohardaga District ka jylla Jharkhand. Kila kem ia u ryngkat ka jingiarap ki pulit ka Jharkhand bad ka jingtohkit ka dang iaid ban tih bniah ia kiwei kiba donkti ha kane ka kam runar.
Kit u khar Muslim T.19 lak tam ba leh mynleh kum u Area Manager ka KFC
