Shillong: Ki pulit ka nongbah kila ioh kem noh ia u snar nongtuh na ki dukan, na ki ing uba shyrkhei bha ha ka nongbah.
Ia une u snar nongtuh la tip kyrteng kum u Shanbor Wahlang uba la ju tip kum u Moolchand.
Ha ka kyrwoh, u Superintendent of Police ka East Khasi Hills District u bah Sylvester Nongtynger ula ong ba ki pulit ka Laitumkhrah Police Station kila thwet bad buddien bha ia une u runar naduh u snem 2022, namar ba u dei uwei na ki snar ba leit tuh leit thiem ha ka nongbah.
U la don mukotduma ruh 4 tylli ha Sardar Police Station. Ka jingioh kem ia u, kan pyllah ia ki pulit ban sei bad tih bniah ia ki kam tuh kam thiem ha ka nongbah khamtam ha ka thaiñ Laitumkhrah.
Ngat noh u heh snar nongtuh u Shanbor kum u Moolchand
