Shillong: Ki nongniah ar shaka shimet, kila sangeh ban kamai noh hadien ba ka sorkar jylla ka la pynjari da ka ain kaba tyngeh ban dain kuna namar kila kit briew khlem don permit kamai.
Kine ki ar shaka kila sangeh kamai la ar sngi mynta ka sngi, hadien ba ka sorkar kala kurup bad dain kuna ia ki, bad kila kam ba ki shah dain kuna 10 hajar bad kila ialum khrui ban iamir jingmut halor kane ka jingkynduh mawsiang.
Kine ki ar shaka kiba kamai shimet, kim kwah ban iasoh bad ka aggregator namar ba ki hap siew sha ka bad sha ka DTP bad ki kwah ban ai ka sorkar da ka permit shimet ba kin kamai. Kila kyrpad ia ka sorkar ba kan mab noh ia ka kuna kaba 10 hajar namar ba kim don pisa ban siew ia kane ka dorka ba la heh jubor.
Ka sorkar ka la dain kuna 10 hajar na bynta 15 sngi bad kane ka la pynkyndit ia kiba kamai ar shaka ha ka nongbah namar ba kila kamai khlem ka permit ban kamai. Kila ong ba kim dei ki street boy, hynrei ki kamai ban pyndap ia ka jingdonkam ha iing bad bun kiba la don lok don khun.
Ba shah dain kuna, jah ki ar shaka shimet ba kamai ha Shillong: Ngim dei ki street boy
