Shillong: U MP ka Jylla ha Rajya Sabha, u Dr Wanwei Roy Kharlukhi u la ong ba ha ka jingsngew jong u shimet kan nym lah ban long ban pynlong kawei election ha kajuh ka por ‘One Nation One Election’ ha baroh kawei ka ri kumba la thmu da ka Sorkar NDA.
Lah ban kdew ba ka kynhun Myntri jong ka Sorkar pdeng ba ialam da ka BJP, ka la mynjur ban wanrah hapoh Parliament ban pynlong ia ka election MLA bad MP ha kajuh ka por ha baroh kawei ka ri, bad hapoh ka 100 sngi yn bud kiwei pat ki election kiba kham rit.
Haba kylli na u MP ka Jylla uba don hapoh ka NDA, u la ong ba ha u shimet um sngewiahap namar wat kawei ka election MP ban pynbit pynbiang ka shimpor kumba 2 bnai, bad lada pynlong lang ia ka election MLA bad MP ha kajuh ka por, kan shim por baroh shisnem, bad bynrap ba nalor ha ka por election donkam ruh ia ki bor pahara, ia kiba yn nym lah ban pynbiang.
Haba kylli la un kyrshan ne em ia katei ka jingthmu ka Sorkar lada wanrah hapoh Parliament, u Dr Kharlukhi u la ong ba um smgapthuh shwa lada ki lah ban pynshai u lah ba kyrshan.
Ym sngewiahap u Dr Kharlukhi ia ka ‘kawei ka ri, kawei ka elekshon’
