Shillong: U symbud Myntri Rangbah u Sniawbhalang Dhar mynta ka sngi 23 tarik nailur 2024 u la jurip ia ka kad liengsuin ha Umroi ban pynheh shuh khnang ban lah ban dem ki liengsuin kiba heh.
Ha ka jingjurip la don lang u chief secretary ka sorkar jylla bah Donald P Wahlang, u MLA ka Umroi bah Damanbait Lamare, u MDC, ki ophisar ka Airport Authority of India bad ki ophisar sorkar jong ka jylla.
U bah Sniawbhalang u la pyntip ruh ba dang donkam sa 16 acre ka jaka ban pynheh na bynta ka jingshngain jong ki liengsuin bad ka sorkar India kan hap ban pyllut kumba T.500 klur katba ia ka bai jaka yn siew ka sorkar jylla.
Ula ong ba ka donkam ban iakren bad ka sorkar India ban pynjynsur ia ki katto katne ki kyndon kiba ka la buh ha kaba iadei bad ka jinglong jingman khamtam kaba iadei bad ka jingshngain.
Katkum ka jingpynkhreh, yn shna ia kane ka kad liengsuin kaban lah ban dem ki liengsuin kiba lah ban kit 180 ngut kiba khot ki 320 bad ki 321 ruh, kiba lah ban kit palat ia ka 220 ngut.
Ka lynti mareh na bynta ki liengsuin ka donkam ban pynjrong sa 900 metre bad baroh kan long 2400 metre nalor kaba la don lypa.
Sa 16 akar ka jaka donkam ban pynheh ban wan dem ki liengsuin ba kit 200 ngut tam ha Umroi
