Shillong: Ka jingbteng ka Congress ban iatreilang bad ka NPP ha KHADC kan sa shah kyrjiaw ha kiwei ki seng sain pyrthei ha ka elekshon MDC namar ba ka jingleh arsap ban kren pyrshah ia ka NPP katba ka iatreilang pat.
U President ka MPCC u bah Vincent H Pala u la ong ba kiba bun ki nongialam ka party ban weng noh ia ka jingiatreilang ha KHADC bad ka NPP bad kiba bun kila ong ia ki nongialam ka party, balei ka Congress ka dang sah sah bad ka NPP ha KHADC. Hynrei hapdeng kane u la pynksan da kaba ong, ula ong ba ka Congress ka iatreilang bad ka NPP ha KHADC ka dei hadien ba ka UDP bad ka NPP kila iathut bad lada ym iatreilang la wan synshar ka Administrator ha KHADC bad kan long ka jingduh nong ia ki paidbah. kawei pat ka nongrim ba ka Congress kala iatreilang bad ka NPP ha KHADC ka dei halor ka jingpynbha ne ka jingpynkylla ia ka 6th Schedule bad kum ka party ka donkam ban don ha ka liangsynshar ban ioh ban ai jingmut kampher lada ki pdiang ne em.
U la ong ba dei halor kane ka nongrim ba ka Congress ka la rai ban iatreilang bad ka NPP ha KHADC.
Lah ban kdew ba ka jingiatreilang ka Congress bad ka NPP ha KHADC ka la shah ther ha ki paidbah ba ka la leh arsap namar ba ha ka sorkar jylla pat ka Congress ka shong ha ka liangpyrshah. Kumba ka long mynta ka Congress ka don sa tang u bah Ronnie V Lyngdoh u MLA na Mylliem ha ka iing dorbar thawain hadien ba ki 3 ngut kiwei pat kila phet seng noh.
Yn shah kyrjiaw ka Congress ha kiwei ki seng sain pyrthei ba iatreilang bad ka NPP ha KHADC
