Shillong: Ka seng KSU Narpuh ha ka 20tarik Nailur, ka la ujor sha ka Meghalaya State Pollution Control Board ban pyrshah ia ka jingthmu ka kompani Mega Top Cement Limited ban pynieng ia ka karkhana pynmih dewbilat ha ka shnong Wahiajer kaba hap ha ka elaka Narpuh.
U President bah K.S Suchiang bad Secretary ka Environment Committee u bah WD Gympad kila pyrshah bad kynnoh ba u Doloi ka Elaka Narpuh ula iaid lait katkum ki kyndon khlem pynlong da ka Dorbar Elaka hynrei u la shu ai pynban da ka Provisional NOC sha katei ka kompani.
Ki la ong ba ki karkhana pynmih dewbilat ki la bun lypa bad ka la ktah ia ka mariang, naduh ka um ka wah, ka lyer, ka jingkiew ka jingshit, ka jingrngad bad jjngduh noh ki wah ha katei ka jaka bad ka jingjakhlia ki wah da ka jingdon kitei ki karkhana.
Pyrshah jur ka KSU Narpuh ban buh karkhana dewbilat ha Wahiajer
