Shillong: Ka Meghalaya Football Association ka la shong ia ka jingialang ka executive committee mynta ka sngi Balang jong ka taiew, ban shim ia ki kato katne tylli ki rai kiba iadei bad ki lypung ialehkai kiba la pynlong bad kiban dang pynlong ruh kumjuh.
Haba kren bad u nongthoh khubor, u Secretary ka MFA u bah Suinesh Syiem, u pyntip ba ka bynta ne ka wat ba nyngkong ne ka league stages jong ka Meghalaya Youth League kan kut ha ka 28 tarik mynta u bnai.
Kumta ka jingialang kab ala long mynta ka nsgi ka long ban ia pynskhem pat ia ki tarik ban pynlong ia ki quarterfinal ba la buh ban pynlong naduh ka 5 bad ha ka 7 tarik jong u bnai Risaw u ban wan. Katba ki semifinals la buh ba kin long ha ka 9 tarik katba ka phainal la buh ba kan long ha ka 11 tarik u Risaw. Ia kine ki jingiakhun baroh, u bah Sunesh u la pyntip ban pynlong ia ki ha MFA Third Ground Polo bad ha SAI Stadium katba ia ka phainal pat la buh ban pynlong ha SSA Stadium First Ground Polo.
Haba iadei pat bad ka lympung ialehkai jong ka Meghalaya State League, u bah Sunesh u pyntip ba ka jingialang kaba la long mynta ka sngi ka la shim ia ka rai ba kan sdang noh pat ia ka 26 tarik jong u bnai Risaw.
Ia kane ka lympung la rai ban pynlong ha ki 6 tylli ki jaka ha kaba yn phiah ia ki team ha ki 6 tylli ki group ban don mar saw tylli ki team ha kawei ka group, kaba hangne la lap bad shem ba ha kane ka sien kabamynta ki klob ialehkai ka Shillong Premier League ka Shillong sports Association kin ioh ban ia shim bynta lai tylli ha kane ka lympung katta ka Rangdajied Unityed FC kaba bat ruh kum ka lahduh ka MSL ha ka snem kaba la dep, ka Mawlai SC kaba rah ia ka nam lahduh jong ka SPL bad sa kawei pat kan dei ka Shillong Lajong FC.
Haba jubab ia ka jingkylli ia halor ka jingbym shim la ioh lad mynta ka snem da ki klb ialehkai ka jylla ban iashim bynta ha ka lympung jong ka AIFF, u bah Sunesh u pynpaw ba ka MSLK ka dei ka lympung ialehkai kaba la heh bha bad kaba donkam bha ia ka jingiarap na ka liang jong ka sorkar bad lymda ioh ia ka lad jingiarap na ka sorkar ka buh jingeh ia ka MFA ban pynlong ia ka MSL.
Dei halor kane ka nongrim ba mynta ka smoi ialehkai na kane ka jylla khlem shim la don satia ki klob kiban ioh ban iashim bynta sha ki lympung ialehkai kum ka Third Division I. League ba la pynlong da ka AIFF, ka lympung kaba long u mawjam ia ki ban lah ban kynjoh sha ka thong ban ioh ia aireng shaduh ka I. league.
5 tarik u Risaw ka Quarter final ka Youth League, 26 tarik yn sdang sa ka MSL
