Shillong: Ka seng HITO Jowai Circle ka la kam ba ka jingdun ka Jowai Civil Hospital ka long kaba bun haduh katta katta bad wat ban pynmeh ding ruh ki nongtrei ki dang pyndonkam da ka generator haba lip ka bording.
Haba kren mynta ka sngi, u Owansakhi Paswet, u President HITO Jowai circle u la ong ba kane ka jingpyndonkam da ka generator ka jinglut ka la kot 8-9 hajar shi sngi.
Ki nongialam ka HITO kila iakynduh ia ka myntri ka tnad ka koit ka khiah ka jylla ka Kong Ampareen Lyngdoh halor kane mynta ka sngi.
Ha kajuh ka por, ka HITO ka kyntu ia baroh ki MLA ka Ri-lum Jaintia Hills ba kin pynbor iaka Sorkar Jylla ba kan pynurlong noh ia ka jingkular ban tei iaka Nursing School ha Jowai, ka Nongbah jong ka West Jaintia Hills.
U Bah samla Owansakhi u la iathuh ba ha u snem 2012, ka Sorkar Jylla kala mang ban tei iaka Nursing School ha Jowai hynrei mynta la ioh khubor ba ia kane ka Nursing School la pynkynriah noh sha Rilum Garo.
U samla Owansakhi u la ong ba baroh 4 ngut ki MLA khamtam u MLA ka Jowai Constituency Bah Wailadmiki Shylla udei ban bah khlieh lada jia kano kano ka jingjia lada ka seng bad ki paidbah kin iakhih ban pyrshah ia ka jingpynkynriah iaka Nursing School sha Rilum Garo.
Ki nongtrei ka Jowai Civil Hospital, ki pynmeh ding da ka generator, ka Nursing School ruh ka poi sha Garo, ong ka HITO
