Shillong: U Ratan Dhar ba shong ba sah ha Quinton Road, Shillong ba la don 69 snem ka rta, u la lah ban kynjoh ia ka kyrdan kaba nyngkong ha ka jingleit ban iashim bynta ka jong u sha ka iakob mareh thong kaba jwat b na kiba jwat tam ha ka ri, katta ka Ladakh Marathon kaba la long ha ka 8 tarik mynta u bnai Nailur, 2024, ha kaba u la iashim bynta ha ka iakob mareh kaba 21K.
U Ratan u la leit ban iashim bynta ha ka kyrdan ia mareh kiba 60 snem shaneng, ha kaba u la lah ba un pyndep ia ka thong ha ka 2 kynta: 33 minit bad 8 seconds.
Ha kane ka jingleit iashim bynta la don ruh kiwei ki nongiamareh na kane ka jylla kiba la leit ban iashim bynta, hynrei u Ratan marwei pat u la long u nongiashim bynta ba la lah ban kynjoh sha ka thong jong ka jingjop.
Kum u nongiamareh, u Ratan u iathuh ba u la shim ia ka kamk ia mareh kum kawei na ka kam ha ka jingim, kaba u la sdang mynta la 30 snem, ha kaba ka jingthmu kajong u hi ka long ba da kumno ba un lah ban pynneh ia ka koit ka khiah bad jinglong ba smat bad ba sting jong ka met ha ka jingim.
Naduh ba u shim ia ka kam mareh, u don bun ngut ki paralok ba smat ia mareh, kiba dei lyngba jong ki, ba ka pynlong ia u ban nang iai im sngi ban mareh ha ka jingim.
Kane ka jingiai imsngi ka ktik pat ia u ban poi ishim bynta ha kiba bun ki marathon ha kaba u la pynpaw ba u la iashim bynta ruh ha ka sien ba nyngkong jong ka Sohra Marathon.
Kiwei ki iakob ia mareh kiba u Ratan u la poi ban iashim bynta ka kynthup ia ka Mumbai Marathon,Bangalore Marathon , Goa Marathon , Kolkata Marathon , Olympic Day Run ba juh pynlong man la u snem da ka Meghalaya State Olympic Association, Independence Day Marathon bad ka marathon ba puynlong da ki shipai ka Assam Rifles.
Haba batai sha ka jingleit iashim bynta sha ka Ladakh Marathoin, u Ratan u iathuh ba u la hap ban leit sah lypa bun bun sngi sha kane ka jaka, namar ba dei ka jaka kaba don ha kynjang lum ne ka high altitude, kaba donkam bha ia ki briew kiba shong ba sah kham ha them ba kin pynmlien lypa ia la ka jong ka met bad ka suin bneng ruh ka longt kaba kljriat bha.
Shuh shuh u la iathuh ruh ba bun ki nongiashim bynta kim lah ban pyndep ia ka thong ba ki iakhun namar ki shem jingeh bha kaba bunsien hap ban pynkity noh ia ki da ki ambulance.
Ha kaba kut u rattan u iathuh ba u la dep ban ai ruh ia la ka jong ka kyrteng ban iahsium bynta ha ka 3rd Sohra International half Marathon kaban long ha ka 21 tarik mynta u bnai.
U Ratan Dhar na Shillong ba nyngkong ha ka jingiakob mareh thong ka Ladakh Marathon
