Shillong: U myntri ka tnad ri jingri ka jylla u bah AL Hek ula ong ba ula pynsngew ia ka jingdonkam jong ki jingbam jong ki ri ne karkhana shna jingbam ia ki jingri, nalor ka hospital ki jingri bad ka college.
Haba kren mynta ka sngi, u bah AL Hek u la ong ba kine ki lai tylli ki dei kiba kongsan eh ki jingdonkam ha Meghalaya ka tnad ri jingri. U bah Hek ula pynsngew ia kine ki jingdonkam ka jylla ha u myntri ka tnad ri jingri ka ri u Lalan Singh ha ka jingialang kaba long dang shen ha Bhubaneshawar.
U la ong ba ka veterinary college kan don ha Kyrdem Kulai ha Ri-Bhoi district ha kaba ka tnad ka la dep pynkhreh ia ka detailed project report (DPR).
U la ong ba ki skhim kiba bun ba ka tnad kala pyntreikam na ka bynta ban kyntiew ia ki nongrep ka jylla ha ka kam ri jingri kum ki skhim na North Eastern Council (NEC), ka CM Elevate scheme bad kiwei.
Donkam jingbam ki jingri bad ka veterinary hospital bad college, ong u bah Hek ha u myntri
