Shillong: Ka shnong Mawpat ka la pynpaw ia ka jingsngewhun hadien ba Select Committee ka KHADC ka la pynhap ia ka Mawpat ha ka Mawkhar- Pynthorumkhrah Konstiwensi na ka Mawlai konstitwensi.
U Rangbah shnong ka Mawpat u bah Juda Wahlang ula pynpaw ka jingsngew hun namar ba don ki shnong na Mawpat kiba hap mynshwa sha Mawlai bad Laitumkhrah konstiwensi, mynta pat lyngba ka Committee ka KHADC la pynhap noh ia ka Shnong Mawpat sha Mawkhar- Pynthorumkhrah konstiwensi.
Ka Dorbar Shnong Mawpat khlem isih ne pyrshah, ka la pynpaw ba ka don ia ka jingangnud la slem ban pynhap noh ia ka shnong Mawpat ha Mawkhar- Pynthorumkhrah konstiwesni lane ha kino kino ki konstiwensi kiba hajan ha ka ilekshon MDC jong ka Khasi Hills Autonomous District Council.
U Rangbah shnong ka Mawpat u bah Juda Wahlang u la ong, hadien ba ka shnong ka la ioh jingtip ba na ka liang ka District Council ka la don ia ka Delimitation Committee ka ban bishar ia ki shnong ha ki konstiwensi kiba donkam ban phiah, ka Dorbar shnong ka la phah jingthoh sha kane ka Committee bad kyntu ba kan pyrkhat bad ban pynhap noh ia ka shnong Mawpat ha ka Mawkhar-Pynthorumkhrah konstiwensi lane ha kino kino ki konstiwensi kiba marjan.
“Ngi na ka liang ka Dorbar shnong ngi la phah jingthoh bad kyntu ia ki ba kin pyrkhat lem ia ka shnong Mawpat, namar ka Mawpat ka long kum ka dew lynnong”, la ong u bah Juda Wahlang.
Katkum ka jingong u Rangbah shnong ka Mawpat, la ong ba ka jingiasnoh bad ka Mawlai konstiwensi ka la long shisha kum kawei na ka Dewlynnong namar la hap ban iaid lynba kawei ka konstiwensi bad haba nujor ia ka jingbun paid ruh kam iahap shuh bad ka shnong Mawlai, ka jingdon ki nongthep vote ruh ka dang long tang jingtroh haba nujor bad ka shnong Mawlai.
U la sngewdei ba ka por ka biang bha ban pyllait noh ia ka Mawpat ban lah ba pyniasnoh bad kiwei ki konstiwensi. Kan jin da bha ba na ka liang ki MDC kin iadem lang ia ka khlieh ba kin iapyrkhat halor kane.
Hun ka Mawpat ba hap sha Mawkhar-Pynthor konstitwensi na Mawlai
