Shillong: Ka Meghalaya SSA Schools Association (MSSASA) kan phah ia ka jingtyrwa halor ka rai ka sorkar ban pynkiew noh ia ka tulop jong ki palat 12541 ngut ki nonghikai SSA hapoh ka Jylla.
Haba kren sha ki lad pathai khubor mynta ka sngi, u President ka MSSASA Aristotle C Rymbai ula ong ba kin sa iashim rai lang ha ka jingialang ban wan jong ka General Executive Council (GEC) ban long la 21 tarik Nailur, halor ka sienjam ba dei ban shim haba iadei bad ki jubab kaba la ioh pdiang na u Director of School Education & Literacy (DSEL) bad State Project Director, Samagra Shiksha Abhiyan (SSA), ba iadei bad ka jingpynkiew tulop thungkam pura ia ki nonghikai SSA.
U pyntip ba ka kynhun jong ka MSSASA ka la iakynduh ia u Director ha ka 10 tarik u Nailur, ha kaba ula pyntip ia ka synjuk ba ula ioh pdiang ia ka jingbthah na u Commissioner & Secretary ka Tnad Education ban buh shuwa ia mynta ia ka jingtyrwa ban pynkiew tulop.
Kawei pat ba ka Tnad Education kala tyrwa ban rah sha ka jingialang jong ka Kynhun Myntri ha kaba iadei bad ka jingthungkam pura noh iaki Nonghikai SSA.
Katkum ka jingong jong u, ka synjuk kala pynlong la bun tylli ki jingialang bad ka Sorkar ha ka kyrdan u Symbud Myntri Rangbah bad u Myntri ka Tnad Pule Puthi halor kine ki artylli ki kam.
Pan jubab ka sorkar halor ka jingthmu ban pynkiew tulop bad thung kam pura ia ki nonghikai SSA
