Shillong: Ka jingkhlad noh u bah Latiplang Kharkongor, u MDC ka Nongthymmai bad u CEM barim ka KHADC ka la pynshem mynsiem ia ki MDC khamtam kiba ju iatreikam bad iatreilang bad u ha ki phew snem ba la leit.
La ioh ban iakren bad ki katto katne ki MDC kiba la pynpaw ba ka dei ka jingduh shisha ia ka jingkhlad noh u bah Latiplang ia ka Council bad ka jaitbynriew. U bah Lamphrang Blah u chairman ka KHADC, u la ong ba u jop MDC ha kajuh ka snem bad u bah Latiplang ha u snem 2004, bad u shem ba u dei u briew uba jai jai.
Kumjuh u Deputy CEM bah Pynshngain N Syiem u la pynpaw ba u bah Latiplang u dei uba beit ba shisur bad shisien ba u mut ban kren u kren beit, um ju riej. U la ong ba u bah Latiplang u dei ruh u CEM ba khampher jong ka Council, namar ba ha ka por ba long CEM u bah Latiplang, ka sorkar kam hun bad ka la poi sha ïing Kashari bad ka Kashari High Court ka dang ithuh ia u bah Latiplang kum u CEM katkum ka jingithuh na ka Kashari watla ka sorkar ka thung da ka Administrator.
U bah Pynshngain u la ong ba u bah Latiplang u dei u CEM na ka Kashari.
U bah Latiplang ula khlad noh ha ka 12 tarik Nailur 2024 hadien ka jingban ka jingpang bad ka jingpyndep ia ka met jong u, kan long ha ka 17 tarik Nailur 2024.
Ka jingiashem ki para MDC bad u bah Latiplang kum u MDC bad CEM ka KHADC
