Shillong: U myntri ka tnad sam marbam ka jylla u bah Comingone Ymbon ula pynpaw ia ka jingsngew pyrshah jur ia ka jingthmu ka kynhun riew ngeit Hindu ban khang bam doh masi.
Haba kren mynta ka sngi, 13 tarik Nailur 2024, u bah Comingone ula ong ba ka ri India ka dei ka ri synshar paidbah bym shah niam ha kaba ki briew ki ioh ia ka lad ban mane laitluid ha ka mon shimet u briew khlem kano kano ka jingshah khang.
U la ong ba ka bam ka dih ka dei ka mon shimet u briew lada u sngew bang u sngew tynnad ym dei ban khang bad ha u lada ki khang ruh haba u bang, un bam beit.
Kane ka jingkren u myntri ka long halor ka jingkylli ba don ka kynhun Hindu kaba la thmu ban iaid paidbah ban pynbna ia ka masi kum ka kmie jong ka ri India.
Haba nga bang, nga bam beit, ym dei ban khang ia ka bam u briew shimet: Comingone
