Shillong: U Superintendent of Police ka East Khasi Hills, ka la sospon ia u pulit SI R Marwein ka Laban Police Station halor ka jingkynnoh ba ula buaid khawyiang, bad ka la thung ruh ia ka jingtohkit halor ka jingkynnoh pyrshah ia u ba u la kyntait ban pdiang ia ka ejahar hynnin ka miet kaba la ujor ka longkmie.
Ha ka miet, ka 9 tarik Nailur, kawei ka Kynthei kala leit ujor sha ki Pulit ka Laban Police Station da kaba kynnoh ba ka la shah ktah kti ha uwei u nongniah taxi hynrei, la kynnoh ba utei u Pulit SI ula kyntait ban pdiang ia kane ka ejahar. La kynnoh ruh ba une u Pulit SI ula shoh khaw yiang hapdeng ka kam bad kane ka la wanrah ka jingiania kaba jur bad kiba haiing hasem jong kane ka kynthei ba leit ujor.
Ia kane ka nongujor la iarap noh da kawei ka Pulit kynthei jong ka Women Police Station, kaba la register ia ka case katkum ka ejahar.
U SP ka East Khasi Hills u bah Sylvester Nongtynger u la pyntip ba la sospon ia une u SI bad la thung ia ka jingtohkit kaba la khlieh da u Sector Officer ka Laban Police Station.
Ka Ophis u SP ka kyntu ruh ia ki paidbah ba kin ai jingtip haba don kum kine ki jingjia lane pan jingiarap da kaba phone ha u nombor 112.
Sospen u SP ia u SI ba shah kynnoh kyntait ia ka ejahar bad shoh khawiang
