Shillong: U myntri ka tnad ri jingri u bah AL Hek ula pyntip ba ka sorkar ka la don ka jaka ban tei ia ka veterinary college ha Kyrdem Kulai, Ri-Bhoi district.
Haba kren mynta ka sngi, u bah AL Hek u la ong ba la don ka jingtyrwa ban tei ia kane ka college sha ka sorkar India ba kan ai pisa bad kumjuh ia ka Veterinary hospital. U la ong ba ka sorkar ka don 800 akar tam ha katei ka jaka bad lada donkam lah ban ai 100 ne 200 akar ban tei ia kane ka college , bad ka Veterinary kam don jingeh ban ai ia kane ka jaka na ka bynta kane ka jingthmu.
Katkum ka jingong u myntri, ka jingpynkhreh pynkhrum bad ka jingpynbiang ban tei ia kane ka college ka la iaid shaid shaid bad kyrmen ban ioh ia ka jingmang pisa na ka sorkar India.
Yn tei ia ka Veterinary College ha Kyrdem Kulai, ong u bah Hek
