Shillong: Mynta ka sngi, u MLA ka Mawlai u bah Brightstarwell Marbaniang ula pyllait paidbah ia ka MLA skhim 2023-24 kaba la long baroh T.2.58 klur baroh shi snem.
Haba pyllait paidbah ia kane ka skhim, u MLA ula pule shaid ia baroh kiba u la pynmang kynthup naduh ki riew shimet, ka jingshna ïing, ki seng samla, ki skul, bad kumjuh ki shnong nalor kiwei.
Ki katto katne ka jingmang pisa kiba u MLA u la pyllait ki long ka jingiarap sha ki 500 ngut ki riew shimet kiba la iarap mar T.10,000 marwei, jingshna ia ki iing baduk 50 tylli ha ka dor T. 75 hajar kawei, ka jingmaramot ia 150 tylli ki iing mar T.25 hajar kawei, 100 ki longïing ban ioh tin sopïing ha ka dor T.8 lak.
La ai ambulance kaba T.7 lak, jingshna ia ka ïing khunswet T.5 lak, jingtei ia ka jaka sumar ia kiba dik drok T.5 lak, jingtei jaka hikai computer T.5 lak, nangta ka jingpyllait sha ki shnong katkum ka jingdonkam jongki.
Baroh ka long T. 2.50 klur. Nalor kane, la pyllait ruh sa ia ka T. 8 lak.
Katba ha kaba iadei bad ka Discretionery Grant ne ka DG kaba T. 10 lak, u MLA ula pynshai ba u la pyndonkam ban iarap ia ki paidbah katkum ka jingstad jong u, namar ba kam don kano kano ka jingthoh ban ai bai dawai, bai skul.
Pyllait u MLA ka Mawlai ia ka 2.58 klur, ka DG ka shong ha ka jingstad u MLA
