Shillong: Ka surok Sohra kan shlei smam mam mam ha ka 21 tarik mynta u Nailur 2024, ban sakhi ia ki 7 hajar ngut tam ki nongmareh ha ka 3rd International Sohra Half Marathon, kaban pyllong ka Meghalaya State Olympic Association (MSOA).
Haba kren sha ki lad pathai khubor mynta ka sngi, u Secretary ka MSOA u bah Finely Pariat u la ong ba tang kiba mareh sngewbha ki don 5583 ngut katba kiba mareh haka jingiakop ki long 2153 ngut.
Ki nongmareh kin wan nabar ri ruh kum na Bangladesh, Kenya, Ethiopia nalor kiba na kane ka ri bad na kane ka jylla.
U bah Finely u la ong ba ka MSOA kam shym la poi pyrkhat ba kin wan iashim bynta kine ki nongmareh haduh katne ha kane ka kynti ha kaba ka jingbun ka long ar shah ia kaba la dep ha ki kyrdan bapher bapher bad ki rta jong ki nongmareh.
Ka jingsam ia ki jongdonkam kan long ha ka 19 tarik. Ki nongmareh ki dei ban poi 4 am.
Yn shlei smam mam mam ka surok Sohra ha ka 21 tarik
