Shillong: U MDC ka Nongkrem u bah Lambor Malngiang u la ong ba ka jingkhap ribbon na bynta ki kam pynroi ha shnong Madanriting kan dang bun nangne shakhmat bad kan ym kut tang mynta ka sngi.
U bah Lambor ula ot ribbon mynta ka 7 tarik Nailur 2024, ia ka ïing skul Government Lower Primary School, Madanriting ha Block-C kaba la tei ha ka jinglut kaba T.44 lak.
Ka jingkhap ribbon nangne shakhmat kan dang bun ym tang mynta ka sngi na bynta ki kam pynroi ha ka shnong, la ong u bah Lambor haba kren ha kane ka prokram. U la ong ba shen, ka Madanriting ka kwah ban ioh ban pyntreikam ia ka NREGS ne ka skhim bylla 100 sngi bad kumjuh ki iing baduk.
U bah Lambor ula ong ba mynshwa u sngew jah burom ha ka por ba dei iaid na katei ka jaka, ban iohi ia ka skul kaba jot rathai da tin suda hynrei mynta la sngew phuh mat ban iohi ia ka iing kaba bit dor.
Ula ai burom ia ka madanriting kaba la ju ai jingkyrshan pura ia u ha ki elekshon kiba la dep bad u sngew kit ram ba dei ban siew kylliang ia kane ka jingleh ki paidbah.
Ka jingkhap ribbon kan dang bun, plie u bah Lambor ia ka skul ba T.44 lak ha Madanriting
