Shillong: Ka Shillong College ka la pyllong ia ka jingpynkup burom ia kiba la pyndep ia ki kyrdan pule bapher bapher ha kane ka college mynta ka sngi. Kane ka dei ka sien kaba nyngkong ba ka college kan pyllong ia kane ka jingpynkup burom ia kiba la pyndep ia ka jingpule ne ka graduation day naduh ba la seng ia ka.
La pynshongkun ia kane ka prokram da ka jingdon lang u MLA ka Sohra u bah Gavin Miguel Mylliemngap, u heh pulit barim bah Mariahom Kharkhang, nalor ka Principal ka Dr. E Kharkongor, ki nonghikai bad ki samla pule.
Haba kren ha ka prokram, u bah Gavin u la ong ba ki samla ki dei ka lawei bad ka por samla ka dei ka por kaba biang tam ban saindur ia ka lawei bad ka la long kaba donkam bha ruh ban ialam ban btin lynti ia ki samla ba kin sngewthuh ban iaid ha ka lynti kaba beit kaba myntoi ha ka jingim jongki.
La ioh ruh ka jingkren na u bah Mariahom u la pyrto ia ka jingiaid lynti ka college sha kane ka lynti kumba ka long haduh mynta.
Kila sam ruh ia ki syrnot sha ki samla pule kiba dei na ki tnat jingpule bapher bapher.
Pynkup burom ka Shillong college ia ki samla pule ba pyndep ia ka jingpule
