Shillong: U President ka seng All Khasi Meghalaya Tourist Taxi Association u bah Ricaldinus Dohling haba kren mynta ka sngi 6 tarik Nailur 2024, u la ong ba ki kali na Meghalaya tang shu rung na Jorabad sha Assam, ki shah pyndik ha ki pulit ka Assam bad kila shah dain kuna.
U la ong ba ki kali Meghalaya la ki dei ki kali shimet ne ki kali kamai, tang shu kham leh stai ia ki kali, kila shah dain kuna ha ki pulit ha Assam. U la ong ba ki kali na Meghalaya ki ju sngew tynnad bha ban leh stai ia ki kali, kum ka jingpynstai ia ka taiar kali, ki sound system, kila shah dain kuna ha ki pulit bad ka jingshain kuna ruh kam duna ia ka 500 shaneng.
U la ong ba kane ka jingshain kuna bad shah pyndik ha ki pulit ka Assam, kam dei tang ia ki kali shimet hynrei ia ki kali kamai ruh kiba dei na Meghalaya.
Ki kali na Meghalaya kiba leh stai, ki shah dain kuna ha Assam
