Shillong: U myntri ka sorkar jylla u bah Kyrmen Shylla ula ong ba ki paidbah ki kwah ba ka kam kan sted noh shaid shaid khnang ban ioh noh ban tih dewiong.
Haba kren mynta ka sngi, u bah Kyrmen ula ong ba dang shen ka la don ka jingsngap paidbah bad ha kane ka jingsngap paidbah kaba long ha East Jaintia Hills, ym don uwei ruh uba pyrshah ban tih dewiong noh.
U bah Kyrmen u la ong ba ki paidbah ki kwah palat dik dik ban iohi ia ka jingtih dewiong da ka juk saian khnang ban tip ban sngewthuh kumno ka long hadien ba la shah khang naduh u snem 2015. U la iathuh ba la don katto katne kiba la aplai license kiba la pynbiang ia ki jingdonkam bad kaba sah ka long sa ban sdang ia ka kam.
Hynrei ha kajuh ka por, u la ong ba ka rep ka riang ka long kaba donkam ha kaba ki briew ki lah ban pyndonkam ia ki jaka shah ieh shrah ha ki par ba don dewiong bad ka jingshim ia ka kam rep, kan long kawei kaba lah ban pyllait ia ki briew na ka jingshaniah ha kiwei kum ha ka kam tih dewiong.
Ki paidbah ki kwah palat dik dik ban iohi ia ka jingtih dewiong da juk stad saian, ong u myntri
